-قالك واحد النهارة زوج تلاميذ خاوة وسمهم "بوط " قالك كاين بوط واعر او بوط واعر ,
الواعر كان يدير الطوايش والمعلمة كي دارت شافت في العاقل او قالتلو :" بوط بلع فمك"
قالك العاقل قالها :" استاذة انا مادرت والو " الاستاذة قالتلو :" مانيش عليك راني على الفردة الأخرى"
-
قالك واحد النهار التلاميذ دارو طوايش داخل القسم قالك جا المدير جمعهم بالواحد او بدا يسأل فيهم
انت واش درت ,قالو انا كسرت كرسي ....قالو وانت قالو انا كسرت السبورة ......قالو وانت واش درت
قالو يا الشيخ انا مادرت والو انو رميت خوشيبة من النافذة ,قالك المدير فرح او قالهم شفتو هذا ناس ملاح
مدار والو هذا تلميذ نجيب شويا جات المعلمة تجري قالتلو سي المدير لقينا واحد ميت طيشوه من الطابق الاول
قالها وسمو قالتلو وسمو خوشيبة عبد القادر .
-قالك طبيب حب يختابر زوج مهابل شكون العاقل وشكون المهبول ايا قالهم روحو اشريولي زوج كيلو بطاطا
المهبول الأول قال للبائع اعطيلي زوج لتر بطاطا ضحك المهبول الثاني فرح الطبيب دراه رتاح قالو بغا زوج
لتر بطاطا وماجابش السطلة.
-قالك واحد حب يشري دوسن سيس 206 مالقاش جابها صرف سون تروا 103.103
-قالك واحد الطفل صغير يبكي مابغاش يسكت جا عندو باباه قالو واش بيك تبكي رد عليه الطفل او قالو الكرة ديالي
تمزقت ايا مالا شرالو كرة جديدة ايا شويا سمعو يبكي راح عندو او قالو واش بيك تبكي قال الطفل نبكي على الكرة انتاعي لي تمزقت لو كان ماتمزقتش راهم عندي زوج
